Tajnint ⵜⴰⵊⵏⵉⵏⵜ
Tajnint
ⵜⴰⵊⵏⵉⵏⵜ
Ana “Tajnint” uhu d ayen lmaɛun n tizit yeṭla s lgetṛan nses seg-s.
S mani ɣa tterwes “tajnint” i awen lmaɛun “tagnint” .
Iziɣ d batta “tajnint”? tawalt-u teffeɣ-d s wana “tagnitt” ɣi “g” yedwel-d d “j” (g---j) nerni-as “n” bac ad tili d “tagnint” ɣel imaziɣen iḍiḍnin “agni” i tmuṛt illan tili an ttult tuli bessi f tmuṛa i disan-s.
Awen tmuṛt i wlin qqaren-as “agni” uhu d “lemheǧ” uhu d awessaɛ tsamman-t s usemzi (asemzen)“tagnitt” tucu “Tajnint” ad nejjem as-nini “tawrirt”, d “awrir” uhu yuli yuɣleb .
Ama ana “lɛeṭf” i neqqar balli yeffeɣ-d s wana (المنعطف) d iggen txerwic lac ujar-s ,ismawen n yiɣerman-nneɣ ilin ad ilin s tumẓabt s tmaziɣt ,uɣen yelli ad neccertes f umezruy.
Iziɣ ana “lɛeṭf” s mani i d-yusu?
“aṭṭaf” d igget teɛcirt (taddart) tezzeɛlek ald tizi ,yella dex di ismawen-nsen (ait aṭṭaf - lɛeṭṭafa - bani ɛeṭṭaf - iɛeṭṭufen) llant ɣer wass-u timuṛa d yiɣerman n tmazɣa, llant :
• Clef
• Ɛin biyḍa
• Draɛ lmizan
• Tizi wazzu
• Wancaris
Ad yili aɣerm n tejnint yebbi isem n awen midden i d-usin s yuɣleb.
Mass Ḥawwac ɛebd Reḥman
(Ṛebbi at yeṛḥem)
(بتصرف) s urni
بقلم بامون عيسى
Tags: Articles en Français