مميس ن ومجاهد

للشاعر موسى كريزو

 

مميس ن ومجاهد مميس نومزور

ون ينان خدمغ أرب

تفرايس ارغينت سوسغر يقور

سي نزوا غل تللي اتنبّي

باباك دومزاب ئيدامنس افسان

أزمين أزور ندزاير أغلان

ول يوغي تفيرت ولا النيشان

أسنّي وي حوان شرا اتيبّي

انان ات امزاب أولخديمن

تاڤرولا تّوغن دفر ايدريمن

تنّا ادزاير ميدنُو وايزنزن

أديكفا أت امزاب" قسما"

نخدم ألجبهة نوشو ايشماس

تيحونانغ سقس نتنت لو"أ"س

تاڤرولا ماني توارينت تفرايس

تنى ادهليز نومزاب أمسولاس

لقرارا اولتتي ووسان نلسلاك

ووسان اونوفي ديسن اسلاك

نزاڤا انكبر أي زعلوك ن ئزعلاك

دنّي ينّا غي نشّي د ربّي

تغردايت اشعبت اننيشان

ئمجاهدن انزين أين داين اضران

نوّت امشوم سالبارود ايحمان

وي اموتن ڤاع اتيرحم ربّي .

اضو يتشرد س تما تقبليت

ساقود اوعساس إينسيلي

نتشر أنسو نتس اتفاديت

سترست اواعزام نافيت يا تلي

الالما......... الالما

بوعود يجلا اولديجي ترواس

سيتوغ يتزلون فويدر نلساس

دوفجاج ئي توغن

ئشمر ازطاس يوضاد

خوضن ئغرسان امروناس

الالما......... الالما

 

المصدر : انثولوجيا الأدب المزابي ⵉⴷⵓⵔⵔⴰⵏ ⵏ ⵜⵙⴻⴽⵍⴰ ⵜⵓⵎⵥⴰⴱⵜ‎