ايوَّ سليد ازلوان

للشاعر عبد العزيز الحاج عمر

ايوا سيليد ئزلوان ------------ ال داوضن امّاس ن ئجنوان

ادتلعن اسّيسن ؤلاون ------------- راحن اسّيسن ئموضان

اسّ-و ياك غرنغ يلا س وسان ------ ديمبرشن س تنميّيرن-سن

يلّول-د ديسن بابا ن ميدّن ------------ زالّ-تْ غفس ڤاع ايمسلمن

يموّت باباس نتّا اععديس --------------- خصسناس سدبغ منّاو ئيّاران

ول يخزير ول يفريح س باباس -------------- يلڤاتيد ساڤود ئمودان

تلحڨ مامّاس باباس تجّتّيدْ ----------- نتّا داجوجيل ن سزّ ئيلان

ياويت باباس حنّي غل غرسن -------------- يرني سنْ ئيلان يلحڤتن

ئربّات عميس يسّلمداس -------------- تنّي ن ييس دوسراح ن ئلمان

ازنزي دوسغا ييويت امعاس ------ يتوسّن ديسن س لمان

اس-نّي يكتب ربي يملش ----------- تمطّوت توجرت س منّاو ئلان

خديجة تربح تسعد امعاس ---------- تخزر وسّان ديملاّلن

ئخيّرتيد رب س ڤاع مدن ------------ ئننّي ن تمورت دخ د يجنوان

سي نجلاس يوزناسد اوحد ينسن ---------- يوساسد س ويوال ن لڤران

يسّڤوع وسّان ديمسولاسن ------------------ ادينسن ات عمّيس ول غيسّن

يزوا باش اديخزرغيراسن ----------------- يدولد إدمن-نس ادجورن

اركانت ات عمّيس احمانت ئيد خاليس ------------- يرول سدينس يزوا غرسن

يوفو لهنا د لمان د يرجازن --------------- يرنا اسّيسن ڤاع ئمشركن

يسّ يليت ربي غل سا يجنوان ------------ دينجلاس تزالان غفس اتسلمن

يخزر دينّي بسّي ن وايلان -------------- د لمعجزات ن وني علان

اندو يوا ادبابا ن مي دن -------------- يوسانغد ا تّيفاوت ن ولاون

اونّي اعلان زال غفس اتسلمد -------------- تزالم غفس ڤاع ا يمسلمن.

 

المصدر : انثولوجيا الأدب المزابي ⵉⴷⵓⵔⵔⴰⵏ ⵏ ⵜⵙⴻⴽⵍⴰ ⵜⵓⵎⵥⴰⴱⵜ‎