بايتلاّ تونت ؟؟

للشاعر عبد العزيز الحاج عمر

دوسّان ازوان د ييضان ------- اجرون ئيّارن د ييلان

نشنين نتكلّب نسستون ----------- نشنين نتكلب نسستون

بايتلا تونت ن باب ن تونت؟؟؟-------- نلڤاد ونّي ئلين ول ييليّ

و نّي لاّن ول ييليّ ييلي ----------- بايلا انّي ينّا القوران

بايتلا اتموسني ن ونّي اعلان ------ مي نخس تلاّ مي نخس ول تلّي

او نّي لاّن دوار الحق ------- ول تّبّي لحق ن باب ن الحق

اسّ-و ياك انداي ددُّو نيت ----------- اشّا تلّيد تادّارت ن الحق

بتّا غاد تّينيد ئي باب ن الحق ----------- اشّا ساغاشيسّرس الميزان

جار ئفاسّ ن ن و نّي علان ------------- ول يتّيزي غفش لايوالن

ولا ايتلي ولا ئغالّن ------------ سزدي تجرود ئي يلميزان

مي دنيوي انيّت ---------------ن سيلي ئڤن حد غير اتنسيلي

ايوا امْ ول يحلي ------------- امزوار ئدباب ن ؤيتلي

يتّوغ دبرشان يسمَلي ---------------- يدج دسبّيدر يالي

ف ليتيم دڤليل ------- يسّلي ايوا ام ول يحلي

انّغ يتشمر يسّاواض يقّار------------ ماعليه ئتلّغ ضاض

اتطّف ديما تيجضاض ---------- باشا اسد يصح بسّي ن ولباض

اي وا ام ياك ول يحلي ---------- فيتسان ماغر يسحتار

ول يسدسيّر ول يدسّر -------------- ول يسّين باتّا اديشّمر

اي لاّن جاج-س يلاّ ازغار ------------ ام يحلا انغ ول يحلي

ال ملمي غانشّ ئمشان ------- نسّرس امشان ن باب اومشان

نيزض ميدن ڤاع س و عيار ------- نسّرس امشان ن باب اومشان

اعيار ن تموس ني ن ونّي علان -------- لاش ديس ايلان ول يحلي

أوني علان اوني غلان --------------- اوني علان ئجنوان

س يووانغ غل وبريد ئي لاّن ------------- ديس انجّرُو نسمل ؤلاون

س تنميرين ن ونّي غلان

 

المصدر : انثولوجيا الأدب المزابي ⵉⴷⵓⵔⵔⴰⵏ ⵏ ⵜⵙⴻⴽⵍⴰ ⵜⵓⵎⵥⴰⴱⵜ‎