الوالدينْ

للشاعر عبد العزيز الحاج عمر

الوالدين ايوّا اعزي زن ------ تدّارت تيفاو تبها س يسن

انّمّيزضْ اجرون ورّازن -------- د تنّميرين د اطّاعتنسن

ؤل ئتبيّين امشان-نسن ------------غي مي تغاب غفنغ تيطْنسن

مدام ايوا توفيتّن -------------- روّاتن تطهلّيد ديسن

كل اغبشّا صبّحْ غفسن ---------- ازواتش غل ييضس مسّاتن

اسْ سي وسّان س بسّي ن شرا ---------- جار ئفّاسن-نسن سفرحتن

الولدين ياك ان ومزان ------------- فيسع الحال يتغاضاتن

اربو ن ويوال يسفرّاحين ------ انغ ؤدونْ يتغيّرتن

ئسم بابا دماما يووا ------- ئسم اجديد ديوسّارن

القيمت-نسن اس-و تقضا ------------- الاّن تّوسبّان تونهارن

اسن ؤلا تدجيد ارجاز س ------------- ترواتش دويتليتش دوعزام-نسن

غرسن ديما تليد نسن ---------- ول حمّق ول دسّر غفسن

ايوّا تواترا ن لوالدين ----------- تلاّ مقبوله غل ونّي علان

تشُّتيمت نغّ تّاوحديت ----------- اينّي اسنتوشيد اتزنن

اونّي وصّان ف لوالدين ------ تاروانسن س ليحسان غرسن

ارحم وي مّوتن سّيسن ---------- تحفضّانغ وي دّ قّيمنْ

 

المصدر : انثولوجيا الأدب المزابي ⵉⴷⵓⵔⵔⴰⵏ ⵏ ⵜⵙⴻⴽⵍⴰ ⵜⵓⵎⵥⴰⴱⵜ‎