أمدياز
للشاعرعمر بن يحيى داودي
ئوالن ن ئمديازن ابهان
تهاتيغ ادلمدغ ايزيض ن ئوالن
ئوالن-نسن اتاتفن ئخسان د ئزوران
تهاتيغ ادلمدغ ئنيتي الماد مايلا؟؟
*************
ادّونيت-و ن تّاها د الماد
ؤولا تلّيد جار ئبوراد
س ئوالن-نسن اتلمدد أوال
اوال مي يوتف ؤول اتيسمل
اوال اديرني دي وغا اتنسل
الماد
سوسم سغد د تسلّد
سرس تاونجيمت المد
سل ئي ويوال ابّي سّيس
سل ت يجورد تزعميس
اسّن ؤولا د ارازن ديس
************
المد اوال تزعليك ف ولماد
المد تفّغدد سيس ل ئغولاد
ماني توفيد الماد المد
الماد شتشين اس تزويض
اربحد س مزّيش اتافد
تمدورت-ش توضويض
ربّي دي القران ينا
بشّرْ ميدنيك ئي تسلان
اوال مي يتوانا
تبين سّيس ايبهان
يسيول ينا ف إمديازن
دفرنسن ئه نساس
ماني ئي دّوسين د تمزاڤازن
س واضو جنين تينفاس
ت يشلي-نسن تيمچانسن
ول تمّيس دي وايني ئقارن
تّالسن دچُّورن
ف ؤبريد ن ئبليس
ئلساون د ئزجرارن
امدياز ئي لان يدچو ربي وول-س
امدياز ئي لان يڤد ف اشبر-س
امديز ئي لان يومن زديغ اديمت
امدياز يومن س تمسي د الجنت
امدياز يزض ئوالن
تكيرضا سيس اتنفع مدن
اس-و غفس نلا ن تزلون
ربي اديسنامر وي ئسنمارن
ديسمبر 2008
Tags: تراث, لغة, شعر, الأمازيغية وتيفيناغ