قصيدة ادّا امولود يونو

للشاعر صالح تيريشين

ادا لمولود يونو ------- كّورزن ئدمارن

شرسن ٷلاون ------- خوون ئسافّن

تيط س ئمطاون ------ ول توفي اتخزر

وول س اون ت وسست ------ يقّيم-د يسمر

تاحجامت تا زدايت ----- تتّا اسڤرڤر

تارمونت تاجمي ------- سماني اتنتر

زور د وار امان ------ مانش غاديدّر؟

ئيلغ تيدواتين ------- يقّيم-د يقّور

تيرا ئضليسن -------- اچّي نت اشور

تازيري سماني ----------- ساغاديونو يور؟

ادا لمولود وحد-س -------- يرزم تيويرا

يجّ-د ئوالن ------- يج-انغد تيرا

يسّالمدانغ ---------- اخسا اد تّرا

نتا ئي تّوغن --------- ازّاضنت تيسيرا

س "ئغيل ئي توتان" 1    يتات وي اتّتّان

س " ييضس ن تيدت" 2  ارنيناس د ادّان

"تاغريت د لعفيون" 3 واسچين امشان

س " تمتّانت تازولالت"    ن ات "زيك ئي زوان

انّچ تايتّي -------- س تيتي ن ئجلدان

ووني داي بسّي ------ ن ادّا المولود

تاستّيت س يغزر ------ ئي واسي يفّود

ا يوش اي مقران ------ سيفاو ئبريدن

س تزيري ئلان ------ اد نير ن ؤلاون

--------------------------

 قصيدة في رثاء الأديب الانثروبولوج و الباحث في الحضارة الأمازيغية الراحل مولود معمري 1917 - 1989