قصيدة تامزورت

للشاعر صالح تيريشين

اي تزعم تامزورت -------- لالا ن تمزار

تيويد امكروس ------- سي مزّي-سْ دوار

س ييلس ئي مّيسن -------- ئهرّو يقّار

س تنميرت ن يوش ------ انّالي ئغورار

ولتماس فيديسس -------- لالا ن تاسارن

تيويد تامكروست ----- أي تبها دزين

سي مزّي-سْ تلاّ ------- د لالا ن تنجيمين

فوسس ازطّا ----- تيط-سْ تيبراتين

ماما ن تاروا------ تامدّورت تدجور

ف فوس ن ومقران ------ اتسدّر زور

ارا اتّامدّورت ------- ماما دايفس-سْ

تاغليفت ن ومقران ------- دنج اتمورت-سْ

اشيان د وخ سا ------ تامّيرجزت ن ئمي

تيزايت ن ؤعدّيس -------- تدجّور ترنّي

اتّافد ماما س ------- تارا د لمني

تدّر ئي واراس ------ تها تا الالي

بابا اد ماما ------- ڤاع انسن اغْنان

س ؤمكروس ئي غلان --------- س تمكروست ئي سوان

اي بهان ئسْنين ------- دي ارن ن ييضان

امّاس ن تغمرت ------- خزرتن دئ يسلان

ادجيناس ئيسم -------- دزور ن لوالدين

اي بها دئيسم ------ديس أيفس ن الدّين

مي يلا ارا يسم-سْ ------ ن أت بكري

ت يشلي-سْ اتّا ليد -------- تيشلي ن ئمغري

اوال امزوار -------- ديوش امقران

يبّيت تامزوغت --------- امّاس ن لدان

تابرات وّول-س ------ س ادّين تواري

تّالي-د دييضليسن ------- ن وعزام د تموسني

وي الان يسّيلي-د ------- تاروا-س س لقوران

يچاسن ئسم ---------ئي يخس امُقران

يوشاسن ماما ------- ديخف ن تسدان

اشّا ادتافن -------- تاجمي ئي علان

س اتّاج وّورغ -------------- ديبرناس ن ي يسلان

اوش امقران ------- احقظ ئيد ماما

اسيسنت اس-و ------- نلا ديد بابا

26شتمبر 2005