قصيدة امازيغ

للشاعر صالح تيريشين

اسنغ امازيغ ------- دباب ن ومشان

ئزوران ادّرن --------- لاش ديسن اطّان

انّتا ئي شمرن ------- اوال ن ٷمقران

سي اتّوغن ميدن ------- كرمن ئنغران

ساديحرن دفّر ------ سوطّاياسد ئتران

ساديبش يامن ------- ئني وي ترنان؟

منّاو اسّيسن ------- ٷلين ديجلدان

س ادّين اتّيديوت ------ اسملّن ٷسان

تاروا ن "رستم" ------ د ئڤن س ئنينّو

د ئڤن سي يغلب ------ ئي توتان انو

ميدّن دفّر-نسن ------ تدول-د اتزالا

ابريد ن تموسني ----- تدچور اتسلاّ

افسون تاوحديت ------- افسون تي لَلاّ

اتسن س وولاون------ تاوسست د تزولا

نكلن تادولي ------- تيفاوت اتملاّ

رزمن تيويرا ------ س ئلس اد تاڒا

ٷهو س ييدمن ------ ولا س ٷكرّا

ن تفاوت د وزّالن ----- دوسرغي ن تيرا

ارجاز دمنّاي ------- ول يلهي س تلماي

ابريد دامڦداي ------ ايدول دافيفاي

انييّي مانش ------- ادنقيم ادّاي

ساد ييلي اقران ------ يوري-انغ الاي