لفقي-نغّ

للشاعر صالح تيريشين

لفقي اتّيفاوت ------ لفقي اتّاملّي

لفقي ان ؤيور ------- يتّ يش تا زيري

ؤسّ ان د ييضان ------ تّيفاون سّيس

تاونجيمت تفرغ ------ دّڤُلدْ تميّسْ

لفقي غيري دنير ------- ييرق ئي ميدّن-سْ

سا ادشاشن تاروا ------- ادياف ئمان-سْ

لفقي ت يسترطّ –سْ ------- ايتبها تغدي

دازمول ئي وي خسن -------- سّيسْ اديبّي

اين وسغرْ ---------- يتّيش تيلي

سا اديميّسْ وسغر ------- اتّمّيس تيلي

لفقي ا تّالا -------- ن وعزام اتزنزرْ

اغرم ايّولو -------- سّيسْ ي تّدّرْ

انكال غادنووا ------- فوسس ادينتر

ايفس جاج ن تمورت --------- دي واس اديتشر

أيوش اي مقران ------- لفقي ن لفقيان

تسّ عزمدانغ ------ س وضليس ن القران

ف وفوس ن واسر -------- سيدنا محمد

لفقي ئي عزيزن ----- سّيسْ باتّا ينلمد

الدّين دْ تملاّ ------- اتيشلي ئي غلان

ئي لاّن تيفيرت-س ------- تادجمّي ئي علان

ارا د انجلوس ------- اتليخت ول تعجين

سادياف تادّارت-س ------ تادّارت يا ن الدّين

يتبّي س ئغولاد ------- غي أينّي غدين

ف وفوس ن لفقي-س -------- يرزم تيطّاوين

يبّي س ومقران ------- ڤاع تينّميرين

ديڤَن س يمكراس ------- ديڤَت س تزيوين

اديالي دارا ------أيبها دزّين