قصيدة تطّاوين ن وول

للشاعر عبد الوهاب فخار

 

لقران تامورت-و دنتّا دممُّو ن تيط

واسّيْبَنْ يتْدرغلْ 01 تواغان ئلان-س

ممّو ن تيط غرنغ ا تّاعكايت ن وول

وي تّواسطن02 وول-س أ يشتم وطّان-س

تمادارت-س03 اتڤضّعْ د نتّا يستفتوف

مي يفو وليتّيف غي تيرغين ؤران-س

ف ترغت غاديطّف اتّافد يسشورا

وي سشوران ف ترغين تالقّي ن وسان-س

ميدن دي ورّازن ؟؟ حاولن دئزطوان

نتّا تونت-س د ئغد يجرو ئدسان–س

وا سّيبن ئي لقران ينّا نش دومزاب

د تزدايت تقُّوشم ترول ف ئزوران-س

اكرشوش د وار ؤزور سماني غار ينتر

تيفاوين ات شنت تيمسي05 د انشان-س

ليسلام اممّي يرسو اجنا

س لقرأن ايلّي نوفو تيسونان-س

تمادّارت اممي دامشان ن تفاديت

ليسلام دتّيرست06 لقران د امان-س

تما دارت ايليّ د دجيض دامسولاس

الايات ن لقران نتنيتي د ئتران-س

لجنّت اممي ابريد-س أي يّوعر

ئي وي خسن اد ياوض لقران دئلمان-س

وي انّان ويجي دام،غي اجيت اديتلع

اقدا س ادونيّت ول تيف غي ئنجان-س 8

تامتّانت ساغاتبد تازا-س اتّاوى

اديغرّت يكليد س تيط ئغزران-س

اسنّي لا شي لا ارا لا بابا 9

غاديتوغبر دينّي ا ت يتّا وغلان-س

تا ل قّيس واسي ميدن-س ڤاع تلعن

د نتا اماس ن ؤنيل يتغزا ئي يضووان –س 10

ؤمزاب مي ديلول نتّدناس تمزوغت

س لقران مي يمّوت نتمودا ئوزان–س

ؤمزاب س لقران يتّاوض يسّاواض

س لقران يسجمّ و11 يسّراض ئسلان-س

س لقران ي تّاجل س لقران ئمجّر

ئي رب اتافد يشّات ئلوجان –س

س لقران ئنكّل س لقران يزنوزو

س تنمرت ن رب ؤلين-د ئموران-س

س لقران تاعمّارت ئراس مي ديلّول

س لقران ئتطض اغي سيفّان-س

س لقران يتزعليك س لقران ئوسّر

يتاف تيفاوت انيل مي ئرسين ئمودان-س

لقران ئي يلّيس د لمسواج ن يميس

مي تس ني ! اتّاكنبوشت داسڒا دو زلان-س

س لقران تسڤونوت س لقران اتّلم

س لقران اتقّن دي وزطا ئزلمان-س

تومزابت سا تّيلي تدجور س لقوران

تاشرّافت 12 ن لخير تاملاّ دوسمان-س 13

ارجاز-س مي يوضا ياتفت ؤسنّان

غاس تعنّڨ تيط-س يتاف ئغمدان-س

بتّا دخ توضا اسّيسنْ ايَسْنينْ

ئڤّن دي يڤّن يتّاف ادّان-س 14

تمادّارت تڤضّع س اصْبر اتوات

تّينز-اس ئي واسي ول يتّي لقران–س

لقران ؟ لقران ؟ ا توات ن لقران

سدْرانغ أ ربّي تسّدردْ ئروان–س

لقوران وي تدجين تاعكاّيت ن وول

غل ربّي اتّافد دنّج ئشمجان-س

اممّي وي فارّان ؤل-س س لقوران

ديي تيط ن ربّ ييفيت ئزان-س

ؤمزاب مي يسرسب 15 يطف دي تنزار

دتشورداست تواكّر يقّيمد وادان-س

ؤمزاب ماش-ينّا ياك نش دومزاب

بلا لقوران اسّن يخدّع ئي يمان-س.

---------------------------

01 يتدرغل ،درغل ، تادّرغلت، ادرغال : عمي ،يعمي ، العمى ،الأعمى .

02 يتوسطن ،اوسطن ، يوضن ،اطّان : مرض ،مرضا .

03 تيمسي : النار ، جهنم ، الجحيم.

04 تمادّارت ،تامدّورت : الحياة.

05 تيرست ، تيرسين ، تيغيرست،تيغرسين، ئغيرس،ئغيرسان : بئر ،آبار.

06 ئنجان : الأدران ،الأوساخ.

07 تناص مع الآيات الكريمات من 34 إلى 37 من سورة عبس ۞ يوم يفر المرء من أخيه ۞وأمه وأبيه ۞وصاحبته وبنيه ۞ لكل امرئ منهم يومئذ شأن يغنيه ۞ .

08 تناص مع الآيات الكريمات من 27 إلى 22 من سورة الفرقان ۞ ويوم يعض الظالم على يديه يقول يا ليتني اتخذت مع الرسول سبيلا ۞يا ويلتى ليتني لم أتخذ فلانا خليلا ۞لقد أضلني عن الذكر بعد إذ جاءني وكان الشيطان للإنسان خذولا ۞

09 يسجمّو ،اسجمي : يربّ ، ينشء.

10 تاشرّفت ،تيشرّافين: الغمام، السحاب.

11 ؤسمان: البرق.

12 تناص مع الآية الكريمة 187 من سورة البقرة ۞....هن لِبَا س لَكُمْ وَأَنْتُمْ لِبَا س لَهن .... ۞

13 يسرسب ، اسرسب : هوى من الأعلى نحو الأسفل.