قصيدة سكانير فتغردايت

مقطع رائع من قصيدة سكانير فتغردايت للأستاد عبد الوهاب ن حمو فخار

ازضي نوم ارزت ، هاييباتا ولمان !!؟

هاييباتا وستو !؟ غي سقوشمت ئنتشان

امشض نـ مامّاتش سرسيت ئي لمردوم

دزمام نـ باباتش اضي ديس ايسوم !!؟

اويت د اقرطاس ئي لال نـ وسّان

اتفتش د تفتشد ، تقلم غل ييتران !!؟

تصّم دخ تصّم تاويم ئزلوان

اقدا نـ ئدشرا ، تخمّمم دي وغلان !؟

ستّات دي ييلغ ، ستّات دي يدورّان !!؟

ستّات دي تنبّيشت ، ستّات دي ئزطوان

ستّات دي تنفوست ، ستّات دي وسّان !

ستّات دي تيسرط ، د تشلي ن وڨغرسان!!؟

تانمّيرت ساتّيليم تحرشم دي ونشان!؟

تكلّيم غل ادّونييت طاروا ديعڨّـان !!؟

غي يناس ئي يڨن ، ياك ربّي ديڨّـن

دروس واغاشينين محمد داسرنّس

ئناس ف تنفوس نـ موش نـ بيقيرا

دروس واغاشينين ياك قيرا تونس

سستنت ف تيشليس اتّافد ول يسّين

باتّا ينّا شرا ، يقّار اعبّونس

باباس ئلهاتنس ! اتنيم ول يلّي

دمامّا امشانس د تاضفي نـوسونس

مامّا ساتّيلي تتشرد ول تسّين

تارواس تلقّيس تتشرند ؤدونس

تيرست ساتلّي ، تارجا اتنخر

تيزننت اتمتّات جاج اوّمدونس .

سستن ف وغلان مميس نـ وڨغرسان

اديزوغ اديرول ، يش ؤقونس !؟

سستنت ف وجربي !! يعزم امّي سعيد!

اشيني غي ربي يسنن ف الكونس !!؟

ها حمّو موسى !؟ دمانايو نتـّا !؟؟؟

اشيني وقيل ! دارجاز سـ ات يونس !؟

سستنت ف ليصلاح !! يعزم يعّزّم ليصلاح !!؟

ليصلاح اتّارمونت ! يتتت سـ ورمونس!

سستنت ف بابكر ،د حمو افخّار

اتافد د ماوال يمسل ولّونس !!

سستنت ف ئدشراس ، تابجناس تقّن !

ايمزوار تيطس ، داشمّوس يشمس

سستنت ف ئدشرا ئي يدلفان ايمارو !

غي اطّف تابجناتش ، بتّا غادّينفس !؟

ول تقديد انا طوم ، اشيني جيري !

غاديسل la vache , اشيني qui ris .

واسينين je t'aime ,اسيني chéri .

باتّا تو اتانفوست ، سامحتي اتوات

غي اوتت ف يسميك ، تاليم ف ييري !