حدني يدجو أباو ئميس نا يشري لمخازن..

ئنزان أتنفاس نات مزاب  أمثال وحكم وقصص مزابية 5

الشاعرمصطفى بن كاسي العلواني

أنبراس، أمدياز، أسلماد: مصطفى ن كاسي نات علوان ( زينون)

العلواني مصطفى بن كاسي

ووني سي ئنزان ئبهان آمش أغندجين ئمزوارنغ ، يوش أتنيارز س وايني أغندجين ن تاضفي تاموقرانت..

أون ئنزي يتواقار ئواسي زديغ أوليطيف أشرا فوسس ، أتافت يتحبر غفس يسالاي يسواطا غفس: باتا أديدج أسيس، هامي ؟ ئباتا ؟ئملمي،،؟؟ديد مانايو؟؟

أتافت ئرجا برك أوجي يتوجداس ن تيدت غي تونجيمتس يتهاتا برك..

يبها بابس أديهات يرجا ديد أوحبر دوعافر ئوادجا أيني يتهاتا أسيس...

تانفوس نورجاز ئتهاتان سيگن أوباو يوفيت

ئگن واس ، ئگن ورجاز دانجلوم، د وار أخدام، يدجور أبريد ن تجما،....

سييجور مناو ئدسيلن ، أنتا ئتقل غلتمورت توالم يتاف أشرا ،..

غي أمو ياف ئگن ؤباو.... ئشمرت ئشاش أسيس..

يصفت ئسموراس، نا يدجيت ئميس أديبي أسيس بسي ن تضفي دلبنت.....

يرني أيجورس......أمو نايلويازد تاونجيمتس مناو ئدشرا ....أويسن د باتا أون ئدشرا؟؟؟

يلويازد تاونجيمتس ئگن ؤهاتي، ينا :

باتا أدضران مي سوفغ أون ؤباو ئميك ، مي يوف أتنكلغ ، مي ييوض ئمار نومجار، أدافغ غيري مناوت أتدلاغين ، ولتتغ أين تدلاغين ، أتنتجغ أدوضنت ، أدقارنت أتفويت أتنتدجغ دايفس ، دخ أتنتكلغ ، أيوشنت مناوت تدلاغين أوجار، أمو رنيغ تيدلاغين ديباون سونكالنسن أش تيتشلت...

مناو ئلان أدحاولغ يوووغلب نيباون سيعويار أتوايزاضن،....

أختني ئسستن ئمانس ، بصح ماني أتندجغ باش أتنزنزغ ولفسدن؟؟

ينا : ئزيغ أدشريغ مناو لمخازن أغرميك أتندجغ ديس أدرزمغ أسيسن ئكت تحنوت ، أددجغ أسيسن أيتلي أددولغ دامركانتي..أددجغ ، أددجغ ، اددجغ،.....

ياك تلا توسد عاشورا دوابيانو.... أغرم أيولو يلا يسحق ئباون ...غيري باتا أدجروغ دايتلي...

تانفوستس ولتقدي أختني، يزوا لوغرمس يبدا ئتسستن ميدن ف مانايو يسن مناو لمخازن أمغ ألحجرات ئوشري؟؟

ميدن بارن ديس؟؟ أويسن باتا أديدج أسيسن ؟؟ أنتا دانجلوم دونتيف لاش غرس أولا صوردي ئفاسنس؟؟

أنان أكان أتنسستن هامي؟؟

سي تسستنن ،يسوفغاسند أباو سيميس ، يالساسن أهاتيس

أولسينن أدصن أمغ أتوتن، أمغ أدغرتن؟؟؟

أختني يتوابي أون ئنزي ، يدولد يتوانا ئميدن ئلان..أتدرن أهاتي أوبرك..

أنبراس، أمدياز، أسلماد: مصطفى ن كاسي نات علوان ( زينون)

العلواني مصطفى بن كاسي

تغردايت ، الثلاثاء 20 جوان 2017